O‘zbekiston qahvani asosan Italiya va Braziliyadan sotib olyapti

2022 yilning yanvar-sentabr oylarida O‘zbekiston xorijiy davlatlardan qiymati 2,3 mln AQSh dollariga teng bo‘lgan 340 tonna qahva import qilgan.

Davlat statistika qo‘mitasi ma’lumotlariga ko‘ra, qahva importi 2021 yilning mos davri bilan solishtirilganda 8 tonnaga oshgan. 

2022 yilning 9 oyida O‘zbekistonga import qilingan qahvaning eng katta ulushiga ega bo‘lgan davlatlar orasida Italiya yetakchilik qilmoqda – 88,4 tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Braziliya – 50,4 tonna;
• Rossiya – 51,6 tonna;
• Germaniya – 29,6 tonna;
• Polsha – 29,1 tonna;
• Turkiya – 13,9 tonna.