Қўшимча функционаллар
-
Тунги кўриниш
Ички туризм учун субсидия бериш муддати узайтирилди
Авиаташувчиларга ички туризм, шу жумладан, ижтимоий аҳамиятга эга бўлган маҳаллий йўналишларга субсидия бериш вақти 2026 йил 1 январигача деб белгиланди. Илгари бу муддат 2022 йил 1 июнгача эди.
Ҳукуматнинг тегишли қарори билан Ўзбекистон бўйлаб саёҳат қилиш ҳамда ижтимоий аҳамиятга эга бўлган йўналишлар харажатларининг бир қисмини Ўзбекистон Республикаси республика бюджетидан қайтариш тартиби тўғрисидаги низомга ўзгартириш ва қўшимчалар киритилди.
Унга кўра, 2026 йилгача республикадаги ички авиақатновларга чипта нархларининг 25 фоизида субсидиялар ажратилади.
Эслатиб ўтамиз, авиаташувчиларга маҳаллий йўналишлардаги авиақатновлар учун чипта нархининг бир қисмини қайтариш тартиби Вазирлар Маҳкамасининг 2021 йил 24 февралдаги қарорида қайд этилган.
Қарорда махсус комиссия субсидия ажратиладиган авиа ва темирйўл йўналишларини белгилаб, субсидияланадиган 10 та авиақатнов йўналиши чипта нархларининг энг юқори суммалари ҳам тасдиқланганди.
Мавзуга оид
19:35 / 10.02.2021
Ўзбекистонликлар учун ички саёҳатлар 40 фоизгача арзонлаштирилади
15:15 / 25.06.2020
Ўзбекистонда ички туризм нега оммалашмаган? Асосий сабаб маблағми?
20:50 / 07.02.2018
Ички туризм бўйича қарор: 10 февралдан 3 йил муддатга қатор ўзгаришлар жорий этилади
20:10 / 07.02.2018