Словакия Украинага Zuzana 2 гаубицалари етказиб беришни якунлади

Словакия 2022 йилда тузилган шартномага мувофиқ Украинага Zuzana 2 ўзиюрар артиллерия қурилмаларини етказиб беришни якунлади ва Словакияда ишлаб чиқарилган сўнгги саккизинчи гаубицани топширди, дея хабар берди Братиславадаги Мудофаа вазирлиги. «Бугунги кунга қадар биз Украинага ҳарбий-саноат комплексимиз томонидан ишлаб чиқарилган юқори сифатли артиллерия тизимларининг тўлиқ батареясини топширдик», — деди мудофаа вазири Ярослав Надь.

У ушбу қуроллар ёрдамида «украиналик ҳимоячилар имкон қадар кўпроқ одамнинг ҳаётини сақлаб қолиши ва ўз ватанини душман устидан сўзсиз ғалабага яқинлаштириши»га ишонч билдирди. «Словакия ноқонуний тажовузга қарши курашни давом эттираётган Украина томонидадир. Саккизинчи Zuzana 2 гаубицаси ҳозир Украина Қуролли кучлари ихтиёрида», - деб ёзди Надь Twitter'да.

Словакия Мудофаа вазирлиги маълумотларига кўра, ҳозирда ушбу гаубицаларни ишлаб чиқарувчи Konstrukta-Defense Украинанинг янги буюртмасини амалга ошириш устида ишламоқда: 16 та Zuzana 2 гаубицаси, уларга Германия, Дания ва Норвегия томонидан биргаликда тўланади. Ишлаб чиқарувчининг сўзларига кўра, гаубица НАТО давлатлари қўшинларида қўлланадиган ҳар қандай турдаги 155 миллиметрли снарядларни отиш имкониятига эга.