Қўшимча функционаллар
-
Тунги кўриниш
Эрдўған Туркиядаги зилзила қурбонларидан узр сўради
Давлат раҳбари қутқарув ишлари кечикканини тан олди.
Туркия президенти Ражаб Тоййиб Эрдўған мамлакатдаги вайронкор зилзилалардан сўнг қутқарув ишлари кечиктирилгани учун узр сўради. Бу ҳақда Туркиянинг NTV канали хабар берди.
Эрдўған бу сўзларни Туркиянинг жануби-шарқидаги зилзиладан энг кўп зарар кўрган Одиёмон вилоятига ташрифи чоғида айтди.
«Зилзиланинг ҳалокатли таъсири ва ёмон об-ҳаво туфайли биринчи кунларда Одиёмонда хоҳлаганимиздек ишлай олмадик. Бунинг учун узр сўрайман», деди Эрдўған.
6 феврал куни Туркиянинг жануби-шарқида бир неча соат ичида иккита кучли зилзила содир бўлиб, унинг оқибатида 45 мингдан ортиқ одам ҳалок бўлган эди.
Шундан сўнг Эрдўған мухолифатнинг кескин танқидига учради, бир қанча сиёсатчилар мамлакатнинг бундай йирик табиий офат билан курашишга тайёр эмаслигига ишора қилди. Энди ҳукуматнинг зилзила оқибатларини бартараф этиш чоралари Туркияда бўлиб ўтадиган президентлик ва парламент сайловларида асосий масала бўлиши мумкин.
Шунингдек, Туркия чемпионати ўйинлари пайтида футбол мухлислари ҳукуматнинг зилзилаларга муносабатини кескин танқид қилиб, ҳукуматни истеъфога чиқишга чақиришган эди.
Туркияда вайронкор зилзила
Мавзуга оид
16:21 / 22.05.2025
«Яқин орада Шимолий Кипрнинг Туркий давлатлар ташкилотига аъзо бўлган кунларни ҳам кўрамиз» – Эрдўған
20:30 / 17.05.2025
Эрдўған Қора денгизда 30 миллиард долларлик газ кони топилганини эълон қилди
10:26 / 16.05.2025
Туркия Путин ва Зеленский тайёр бўлса, уларни қабул қилишга тайёр
20:52 / 15.05.2025