Қўшимча функционаллар
-
Тунги кўриниш
Сингапур президенти Тошкентга UzAirways'нинг доимий рейсида етиб келди
Ҳалима Ёқуб Марказий Осиёга келган биринчи Сингапур президенти бўлди. У 21-23 май кунлари Қозоғистонга давлат ташрифини амалга оширди ва бугун, 23 май куни Uzbekistan Airways'нинг доимий рейси (HY722) орқали Остонадан Тошкентга етиб келди.
Фото: ЎзА
Аэропортда меҳмон шарафига икки давлат байроқлари кўтарилди, фахрий қоровул саф тортди.
Сингапур президенти ва унинг турмуш ўртоғини Ўзбекистон бош вазири ўринбосари Зулайҳо Маҳкамова, ташқи ишлар вазири Бахтиёр Саидов ва Тошкент шаҳри ҳокими вазифасини бажарувчи Шавкат Умурзоқов кутиб олди.
Ташриф “Янги Ўзбекистон” боғидан бошланди. Сингапур делегацияси Мустақиллик монументи пойига гул қўйди, миллий маданий марказлар вакиллари билан учрашди.
Асосий сиёсий тадбирлар эртага бўлиб ўтади. Ҳалима Ёқуб 25 майгача Ўзбекистонда бўлиб, Самарқандга ҳам бориши режа қилинган.
Эслатиб ўтамиз, Ўзбекистон президенти Шавкат Мирзиёев январ ойида Сингапурга давлат ташрифи билан борган, ўшанда бу мамлакат президентини Ўзбекистонга таклиф қилганди.
Wikipedia'да ёзилишича, Сингапур президенти, бош вазири ва расмий шахслари одатда сафарлар учун доимий йўловчи рейсларга чиқишади. Улар асосан миллий Singapore Airlines авиакомпанияси хизматларидан фойдаланади, йўналишга қараб бошқа ташувчиларнинг мунтазам рейсларида ҳам учишади.
Мавзуга оид
16:17 / 04.10.2024
Ярим асрда биринчи марта: Сингапурда собиқ вазир пора олгани учун қамалди
21:03 / 31.08.2024
Сингапурда эркак хотини билан ажрашиш учун унинг машинасига каннабис ташлаб қўйгани аниқланди
14:02 / 24.08.2024
Сингапур компанияси Ўзбекистонга тўғридан тўғри чартер рейсларини амалга оширмоқчи
09:21 / 25.07.2024