Тошкентда айрим марказий кўчалар ёпилади

Тошкент шаҳрида 3 июнь - Бутунжаҳон велосипед куни муносабати билан веломарафон ўтказилиши режалаштирилган.

Фото: Getty Images

Пойтахт ҳокимлиги хабарига кўра, шу муносабат билан 4 июнь куни соат 8:00 дан 11:00 га қадар бир неча кўчалар ёпилади:

Абай кўчаси Абдулла Қодирий кўчаси билан кесишмасидан Алишер Навоий кўчаси кесишмасигача;
Олмазор кўчаси Алишер Навоий кўчаси билан кесишмасидан «Ўзбекистон» метро бекатигача;
Афросиёб кўчаси «Ўзбекистон» метро бекатидан Нукус кўчаси билан кесишмасигача;
Нукус кўчаси Афросиёб кўчаси билан кесишмасидан Фарғона йўли кўчаси кесишмасигача;
Абдулла Қодирий кўчаси Фарғона йўли кўчаси билан кесишмасидан Абай кўчаси кесишмасигача.

Ҳайдовчиларга айланма йўллардан фойдаланиш тавсия этилган.