Жезус АПЛнинг янги мавсуми стартини ўтказиб юборади

«Арсенал» клуби ҳужумчиси Габриэл Жезус тиззасида кичик жарроҳлик амалиёти ўтказди ва бир неча ҳафта муддатга сафдан чиқди.

«Афсуски, бугун тонгда Жезус кичик тиббий процедурани бошдан кечирди. У тиззасида бироз ноқулайлик ҳис қилди, шу туфайли унда муаммолар пайдо бўлди, шундан кейин тиббий ходимлари аралашуви талаб этилди.

Футболчи бир неча ҳафта мобайнида жамоага ёрдам бера олмайди», – дея жамоа бош мураббийи Микел Артетанинг сўзларини келтирган Football London.

Шу тариқа, Габриэл Жезус 11 август куни бошланадиган Англия Премер-лигасининг янги мавсумининг илк турларини ўтказиб юборади.

2 август куни «Арсенал» Амирлик кубоги-2023 финалида «Монако»га қарши ўртоқлик учрашуви ўтказди. Ўйин Лондондаги «Эмирейтс — Эшбертон Гроув» стадионида ўтказилди. Асосий вақтда 1:1 ҳисоби қайд этилди, пеналтилар сериясида «Арсенал»нинг қўли устун келди — 5:4.

«Арсенал» бунгача мавсумолди йиғинлари доирасида «Нюрнберг» (1:1), МЛС юлдузлари (5:0, бу ўйиндаги голлардан бирига Жезус муаллифлик қилган), «МЮ» (0:2) ва «Барселона» (5:3) жамоалари билан ўртоқлик учрашувлари ўтказганди. Артета шогирдлари 6 август куни «Манчестер Сити»га қарши Англия Суперкубоги учун ўйин ўтказади. Жамоа АПЛнинг янги мавсумини 12 август куни «Ноттингҳэм»га қарши ўйин билан бошлайди.