Қўшимча функционаллар
-
Тунги кўриниш
21 турдаги озиқ-овқат маҳсулотлари нархининг ўзгариши таҳлил қилинди
7 хил маҳсулот бўйича минимал нархлар арзонлашган, 9 хил маҳсулот баҳоси ўзгармаган, 5 турдаги маҳсулот нархлари эса қимматлашган.
Макроиқтисодий ва ҳудудий тадқиқотлар институти (МҲТИ) мутахассислари 2023 йилнинг ноябр ойида Тошкент шаҳридаги йирик супермаркетларда 21 номдаги озиқ-овқат маҳсулотлари нархининг ўзгаришини кўриб чиқди.
Мониторинг натижалари 7 хил маҳсулот бўйича минимал нархлар ўтган ойдагига нисбатан пасайганини кўрсатди. Масалан, қизил сабзи нархи 42,1 фоиз, лимоннинг нархи 39 фоиз, оқ карамнинг нархи 16,7 фоиз, сутнинг нархи 14,9 фоиз, банан нархи 12,3 фоиз, кунгабоқар ёғи нархи 9,7 фоиз, картошка нархи 6,4 фоизга пасайган.
9 номдаги маҳсулотнинг энг паст нархлари ўзгаришсиз қолган. Уларнинг орасида гуруч, буғдой уни, шакар ҳам бор.
5 номдаги маҳсулот нархлари ошган. Хусусан, бодринг ва помидор қимматлашган. Бу эса мавсумий омил билан боғлиқ.
«Шуни таъкидлаш керакки, худди шундай динамика ўтган йили ҳам кузатилган, бу эса ушбу ҳодисанинг такрорланиши ва унинг бозор тенденцияларига таъсиридан далолат беради», дейилади МҲТИ хабарида.
Таҳлил 12 октябр ва 9 ноябр кунлари ўтказилган мониторинг маълумотлари асосида қилинган.
Мавзуга оид
15:24 / 07.11.2024
Биржага чиқарилаётган пропаннинг бошланғич нархига нисбатан чеклов ўрнатилди
13:41 / 02.11.2024
Тошкент вилоятида болалар учун берилган озиқ-овқатни боғчадан олиб кетаётган мудира ушланди
13:10 / 02.11.2024
Октябрда 1 порция ош нархи қанча бўлгани айтилди
17:13 / 01.11.2024