Қўшимча функционаллар
-
Тунги кўриниш
Индонезия Ўзбекистонда таълим соҳасида қўшма лойиҳаларни амалга ошириш имкониятини ўрганяпти
Ўзбекистон дипломатлари Индонезиянинг BINUS университети халқаро ҳамкорлик масалалари бўйича ректор ўринбосари Тирта Нуграҳа Мурситама билан учрашув ўтказди.
Фото: Дунё АА
«Дунё» хабарига кўра, Индонезия томонига Ўзбекистонда сўнгги йилларда таълим соҳасида олиб борилаётган ислоҳотлар ва уларнинг самарали натижалари тўғрисида маълумот берилди. Жумладан, мамлакатда олий таълим муассасалари сони 70 тадан 191 тага етказилгани, ёшларни олий таълим билан қамров даражаси 9 фоиздан 38 фоизга ошгани таъкидланди.
BINUS университети вакиллари, ўз навбатида, олий таълим муассасасининг Индонезиядаги ва халқаро майдондаги узоқ йиллик тажрибаси тўғрисида батафсил маълумот берди. Индонезия томони, шунингдек, BINUS университетида таълим йўналиши бўйича қўшма форум ўтказиш ташаббусини илгари сурди.
Тирта Нуграҳа Мурситама мазкур олийгоҳнинг мамлакатда бизнесни бошқариш йўналишида магистратура дастурларини амалга ошириш, мазкур университет филиалини очиш имкониятларини ўрганиш учун BINUS раҳбариятининг Ўзбекистонга ташрифини ташкил этиш режаларини маълум қилди. У ҳамкорликнинг биринчи қадами сифатида ўзбекистонлик бир нафар талабага таълим гранти ажратилишини таъкидлади.
Учрашув якунида томонлар Индонезия томонидан билдирилган таклифларни Ўзбекистоннинг тегишли ташкилотлари билан муҳокама қилиш тўғрисида келишиб олди.
Мавзуга оид
20:17 / 05.11.2024
Маърифий фаолият билан рухсатсиз шуғулланганлик учун жавобгарлик белгиланди
17:18 / 05.11.2024
Рақобат кучли: Хитойдаги таълим тизими ёшлар орасида руҳий тушкунликка сабаб бўлмоқда
18:34 / 04.11.2024
Индонезияда вулқон отилиши оқибатида 10 киши ҳалок бўлди
16:31 / 04.11.2024