Энди қасддан жиноят содир этиб судланганлар ўқитувчиликка қабул қилинмайди
Ўзбекистонда айрим шахсларга педагогик фаолият билан шуғулланишда чекловлар киритилди.
Ўзбекистонда педагогик фаолият билан шуғулланишда чекловлар ўрнатилмоқда. Бу ҳақда президент томонидан имзоланган «Педагогнинг мақоми тўғрисида»ги қонунда белгилаб қўйилди.
Қонуннинг 15-моддасида педагогик фаолият билан шуғулланишга оид чекловлар келтирилган.
Унга кўра, қуйидаги шахсларнинг педагогик фаолият билан шуғулланишига йўл қўйилмайди:
- қонуний кучга кирган суд ҳукмига мувофиқ педагогик фаолият билан шуғулланиш ҳуқуқидан маҳрум этилган шахслар;
- қонунчиликда белгиланган тартибда суд томонидан муомалага лаёқатсиз ёки муомала лаёқати чекланган деб топилган шахслар;
- педагогик фаолиятни амалга оширишга тўсқинлик қиладиган касалликлари бўлган шахслар;
- психиатрия ёки наркология муассасаларида ҳисобда турган шахслар.
Шунингдек, қасддан содир этилган жиноят учун илгари судланган шахсларни педагогик фаолият билан боғлиқ лавозимларга қабул қилиш ман этилади.
Олдинроқ ушбу қонун билан педагоглар судга шикоят қилганда давлат божи тўламаслиги ҳамда ўқитувчиларни ободонлаштириш ва қишлоқ хўжалиги ишларига жалб қилиш тақиқланиши хабар қилинганди.
Мавзуга оид
16:43 / 07.10.2024
Бир мактабга бахшида умр: 60 йилдан буён ишлаб келаётган пайариқлик ўқитувчи
19:28 / 03.10.2024
“Мен болалардан ўргангани келганман” — Андижондан Қашқадарёнинг чекка ҳудудига бориб ишлаётган ўқитувчи
16:30 / 01.10.2024
Президентнинг педагоглар билан мулоқоти — устозлар яна қандай имкониятларга эга бўлади?
15:53 / 01.10.2024