Қўшимча функционаллар
-
Тунги кўриниш
Тошкентда мактабга ўйинчоқ пичоқ олиб келган ўқувчининг ота-онаси жаримага тортилди
Ижтимоий тармоқда Мирзо Улуғбек туманидаги 187-мактабда қўлида пичоқ бўлган ўқувчи акс этган видеолавҳа тарқалди. Тошкент шаҳар мактабгача ва мактаб таълими бошқармаси ҳолат юзасидан расмий маълумот берди.
Фото: Kun.uz
Қайд этилишича, воқеа жорий йилнинг 6 май куни содир бўлган. Мирзо Улуғбек туманидаги 187-мактабнинг 11-«Ж» синф ўқувчиси И.Ж. мактабга ўртоқларига мақтаниш мақсадида пичоқ кўринишидаги ўтмас жисм (ўйинчоқ) олиб келган ва танаффус вақтида атрофидагиларга кўрсатиб мақтанган. У бу жараённи ўзининг телефонига съёмка қилган.
Ўқувчилар томонидан мактаб директорига хабар берилган. Ўқувчи ва унинг ота-онаси билан маҳалла инспектори, мактаб раҳбарияти ва Миллий гвардия ходимлари иштирокида содир этилган хатти-ҳаракати юзасидан профилактик тушунтириш ишлари олиб борилган. Вояга етмаган ўқувчининг ота-онасига нисбатан МЖтКнинг 47-моддасига асосан жарима жазоси қўлланган.
Айни вақтда, ўқувчи Ж.И. ўзининг хатти-ҳаракатига нисбатан кўрилган чорадан норозилигини мактаб маъмурияти ва Миллий гвардия ходимига билдирган ҳамда видеолавҳани ижтимоий тармоққа жойлаштирган, дейилади Тошкент шаҳар ММТБ ахборот хизмати хабарида.
Мавзуга оид
22:34 / 13.08.2024
Германияда қурол қонунчилигини кучайтириш таклиф қилинмоқда
11:15 / 30.07.2024
Англияда пичоқ билан қилинган ҳужум оқибатида икки бола ҳалок бўлди
15:36 / 16.07.2024
70 йиллик “стаж”га эга пичоқчи
12:47 / 26.06.2024