Россияда қаровсиз қолган 14 нафар бола Ўзбекистонга қайтарилди

Россияда уларнинг ота-онаси ёки қонуний вакиллари қолмагани таъкидланмоқда.

Фото: Дунё

Ўзбекистоннинг Санкт-Петербург шаҳридаги Бош консулхона вакиллари томонидан Ички ишлар ва Соғлиқни сақлаш вазирликлари ҳамда Санкт-Петербургдаги вояга етмаганларни вақтинча парваришлаш ва сақлаш муассасасининг масъул ходимлари билан ҳамкорликда ота-онаси ва қонуний вакиллари йўқ бўлган, шунингдек, ижтимоий ҳимояга муҳтож 14 нафар бола Ўзбекистонга қайтарилди.

Қайд қилинишича, аксарият болаларнинг ота-онаси муқаддам Россия ҳудудида бўлиш тартибини бузганлиги сабабли депортация қилинган. Бош консулхонада болалар учун қайтиш гувоҳномалари расмийлаштирилиб, Ўзбекистон Ички ишлар вазирлиги масъул ходимларига топширилган.