Зомин тоғлари ЮНEСКО Бутунжаҳон миллий табиий мероси рўйхатига киритилиши мумкин
Миллий табиий мерос объектининг дастлабки номзодномаси ЮНEСКО Бутунжаҳон мероси марказига юборилди.
Экология, атроф-муҳитни муҳофаза қилиш ва иқлим ўзгариши вазирлиги томонидан Зомин тоғлари миллий табиий мерос объектининг дастлабки номзоднома ҳужжати тайёрланиб, ЮНEСКО Бутунжаҳон мероси марказига тақдим этиш учун ЮНEСКО ишлари бўйича Ўзбекистон Миллий комиссиясига юборилди.
Мазкур номзоднома Экология вазирлиги мутахассислари, Тоғ-кон саноати ва геология вазирлиги, Геология ва геофизика институти, Фанлар академияси Зоология ва Ботаника институтлари, шунингдек, Миллий университет тадқиқотчи-экспертларидан иборат ишчи гуруҳ томонидан Зомин давлат қўриқхонаси ва Зомин миллий табиат боғига амалга оширилган экспедициялар давомида олинган илмий маълумотлардан фойдаланилган ҳолда тайёрланган.
Таъкидланишича, Зомин тоғлари Ўзбекистон мустақилликка эришганидан буён ЮНEСКО Бутунжаҳон мероси рўйхатига номзодномаси тақдим этилаётган илк миллий табиий мерос объектидир. Ҳозирга қадар мазкур нуфузли рўйхатга трансчегаравий табиий объектлар - Ғарбий Тян-Шан тоғи (2016 йилда Ўзбекистон, Қозоғистон ва Қирғизистон томонидан киритилган) ва Мўътадил минтақадаги Турон саҳролари (Устюрт платоси / 2023 йилда Ўзбекистон, Қозоғистон ва Туркманистон томонидан) киритилган.
Шунингдек, Ўзбекистондаги Чотқол биосфера қўриқхонаси (1978 йилда) ва Қуйи Амударё давлат биосфера қўриқхонаси (2021 йилда) ЮНEСКО Бутунжаҳон биосфера резерватлари тармоғидан жой олган.
Қайд қилинишича, Зомин тоғлари миллий табиий мерос объекти дастлабки номзодномаси ЮНEСКО ишлари бўйича Ўзбекистон Миллий комиссияси томонидан ЮНEСКО Бутунжаҳон мероси марказига юборилган. ЮНEСКО мезонларига мувофиқ қабул қилинган номзодномалар икки йил ичида кўриб чиқилади.
Мавзуга оид
15:22 / 02.10.2024
Учтепада 20га яқин кўп йиллик дарахтларга заҳарли модда қуйилган. Аҳоли айбдор топилишини хоҳлайди
10:50 / 02.10.2024
Тошкент шаҳрида ҳаво ифлосланиши ортяпти. Экология вазирлиги изоҳ берди
18:41 / 01.10.2024
Сурхондарёда балиқчилик учун рухсатнома олган шахс қум-шағал қазиб олиб, табиатга катта зарар етказди
21:03 / 27.09.2024