Қўшимча функционаллар
-
Тунги кўриниш
ЦАҲАЛ Байрутдаги «Ҳизбуллоҳ» объектларига зарба берди
Исроил гуруҳнинг Байрутдаги қароргоҳига, шунингдек, Ливан пойтахти чеккасидаги қурол омборларига ҳужум қилди. «Ҳизбуллоҳ» Исроил шимолига ракета зарбалари берди.
Фото: Amr Abdallah Dalsh/REUTERS
6 октябр, душанба куни Исроил қирувчи самолётлари «Ҳизбуллоҳ» гуруҳининг Байрутдаги разведка штабига зарба берди. Бу ҳақда Исроил мудофаа кучлари (ЦАҲАЛ ) Telegramʼдаги каналида маълум қилди.
Бундан ташқари, Исроил Байрут чеккасидаги «Ҳизбуллоҳ»нинг қурол омборларига ҳужум қилди. «Зарбалардан сўнг иккиламчи портлашлар қайд этилди, бу қурол борлигини кўрсатмоқда», — дея маълум қилди ЦАҲАЛ. «Ҳизбуллоҳ» ташкилоти қасддан ўзининг қўмондонлик марказлари ва қурол-яроғларини Байрут марказидаги турар жой бинолари остига жойлаштириб, аҳолини хавф остига қўйган», — дея таъкидлади идора.
Исроил, шунингдек, Ливан жануби ва Бека водийсидаги «Ҳизбуллоҳ» объектларига зарбалар берди. ЦАҲАЛ қурол-яроғ омборлари ва инфратузилмага, жумладан, қўмондонлик маркази ва ракета отиш мосламасига зарба йўлланганини маълум қилди.
Исроил Ливан билан чегарада иккинчи ёпиқ ҳудуд ҳақида маълум қилди
Исроил мудофаа кучлари 6 октябр куни Ливан билан чегарадаги яна учта ҳудудни ёпиқ ҳарбий зона деб эълон қилди. ЦАҲАЛ Telegram-каналида эълон қилинган хабарга кўра, «вазият баҳоланганидан сўнг» минтақага кириш тақиқланган.
Гап Исроил шимолидаги Манара, Ифтаҳ ва Малкия кибуцилари ҳақида бормоқда. 30 центябр куни ЦАҲАЛ Метула, Мисгав Ам ва Кфар Гилади жамоатлари атрофидаги ҳудудларни ҳарбий ҳудуд деб эълон қилди.
Мавзуга оид
22:57
Нетаняҳу Насруллоҳдан кейин «Ҳизбуллоҳ»нинг икки етакчиси ҳам ўлдирилганини маълум қилди
15:04
Исроил Ливан жанубидаги қуруқлик амалиётини кенгайтирди
11:44
Исроил Ҳамас устидан «ҳал қилувчи ғалаба»га эришмоқчи эди. Аммо бир йил ўтиб ҳам мақсадга эришилмади. Бунга нима тўсқинлик қилди?
17:59 / 07.10.2024