Қирғизистон президенти Текебаев иши бўйича судга гувоҳ сифатида чақирилиши мумкин
Қирғизистон пойтахти Бишкек шаҳридаги Первомайск тумани судида “Ота макон” парламент фракцияси етакчиси Омурбек Текебаев ва собиқ фавқулодда вазиятлар вазири Душонқул Чотоновга нисбатан қўзғатилган жиноий иш бўйича жараён давом этмоқда, деб хабар берди Knews.kg.
Суд жараёни давомида Омурбек Текебаевнинг ҳимоячиси Канат Ҳасанов Қирғизистон президенти Алмазбек Атамбоевни қўшимча гувоҳ сифатида жалб этиш борасида илтимоснома билан чиқди. Ҳуқуқшуноснинг фикрича, Атамбоев Вақтинчалик ҳукумат аъзоси бўлган ва тегишли кўрсатмаларни бериши мумкин.
Бироқ судья Эрнис ўғли Ойбек ушбу илтимосномани ҳозирча кўриб чиқмаслигини маълум қилган. Унинг айтишича, гувоҳларни сўроқ қилиш чоғида Атамбоевни судга чақириш кераклиги ёки керак эмаслиги ойдинлашар экан.
Эслатиб ўтамиз, Текебаев ва Чотонов фирибгарлик ва коррупцияда айбланмоқда.
Мавзуга оид
18:48 / 28.09.2024
Хитойдан Қирғизистон орқали ўтадиган темир йўлнинг Ўзбекистондаги қисми қачон қурилиши маълум бўлди
20:44 / 26.09.2024
Садир Жапаров Асқар Акаевнинг Қирғизистон президенти лавозимида қилган учта асосий хатосини айтди
09:55 / 25.09.2024
Саидикром Ниёзхўжаев Ўзбекистоннинг Қирғизистондаги элчиси этиб тайинланди
20:32 / 24.09.2024