Qirg‘iziston prezidenti Tekebayev ishi bo‘yicha sudga guvoh sifatida chaqirilishi mumkin
Qirg‘iziston poytaxti Bishkek shahridagi Pervomaysk tumani sudida “Ota makon” parlament fraksiyasi yetakchisi Omurbek Tekebayev va sobiq favqulodda vaziyatlar vaziri Dushonqul Chotonovga nisbatan qo‘zg‘atilgan jinoiy ish bo‘yicha jarayon davom etmoqda, deb xabar berdi Knews.kg.
Sud jarayoni davomida Omurbek Tekebayevning himoyachisi Kanat Hasanov Qirg‘iziston prezidenti Almazbek Atamboyevni qo‘shimcha guvoh sifatida jalb etish borasida iltimosnoma bilan chiqdi. Huquqshunosning fikricha, Atamboyev Vaqtinchalik hukumat a'zosi bo‘lgan va tegishli ko‘rsatmalarni berishi mumkin.
Biroq sudya Ernis o‘g‘li Oybek ushbu iltimosnomani hozircha ko‘rib chiqmasligini ma'lum qilgan. Uning aytishicha, guvohlarni so‘roq qilish chog‘ida Atamboyevni sudga chaqirish kerakligi yoki kerak emasligi oydinlashar ekan.
Eslatib o‘tamiz, Tekebayev va Chotonov firibgarlik va korrupsiyada ayblanmoqda.
Mavzuga oid
18:48 / 28.09.2024
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
20:44 / 26.09.2024
Sadir Japarov Asqar Akayevning Qirg‘iziston prezidenti lavozimida qilgan uchta asosiy xatosini aytdi
09:55 / 25.09.2024
Saidikrom Niyozxo‘jayev O‘zbekistonning Qirg‘izistondagi elchisi etib tayinlandi
20:32 / 24.09.2024