Бизнес-класс бўйича энг яхши авиакомпаниялар номи эълон қилинди

Буюк Британиянинг Skytrax консалтинг компанияси жаҳондаги энг яхши бизнес-класс авиакомпаниялари рейтингини эълон қилди. Қатарнинг «Qatar Airways» авиакомпанияси биринчи ўринда қайд этилди, деб ёзади Korrespondent.net.

Шуниси маълумки, рейтингни тузиш асносида компания мутахассислари жаҳоннинг юздан зиёд давлатларида яшовчи 19,2 миллиондан ортиқ авиайўловчилар ўртасида сўровнома ўтказишган.

Умумий ҳисобда ўриндиқлар комфорти даражаси, самолётга ўтқазиш жараёни ва бошқа шу каби 41та мезон бўйича баҳоланган 280та авиакомпания кўриб чиқилган.

Иккинчи ўринда Япониянинг ANA — «All Nippon Airways» авиакомпанияси қад этилган бўлса, учликни Сингапурнинг «Singapore Airlines» компанияси якунлаб берган.

Дастлабки ўнликка шунингдек, «Etihad Airways» (БАА), «Lufthansa» (Германия), «Turkish Airlines» (Туркия), «Garuda Indonesia» (Индонезия), «Cathay Pacific» (Ҳонгконг), «Emirates» (БАА) ва «EVA Air» (Тайван) ҳам кирган.