Австрияда кенгуру топилди

Австрияда маҳаллий аҳоли вакиллари йўл четида кенгуруни аниқлашди, дея хабар беради ORF.at.

Гувоҳларнинг сўзларига кўра, йўл ва ўрмон оралиғидаги майдонда анча йирик бўлган кенгуру ўтирган.

«Майдонда ҳақиқий тирик кенгуру ўтирганди», - дея тасдиқлади маҳаллий аҳоли вакилларидан бири.

Таъкидланишича, полиция округда жойлашган ҳайвонот боғлари эгалари билан боғланган, аммо ҳеч ким кенгуру йўқолгани ҳақида айтмаган. Нашр маълумотларига кўра, маҳаллий расмийлар «чалкашиб кетган» ва ҳайвон қаердан пайдо бўлганини тушунишмаяпти.