Халқаро мақом санъати анжумани. 8 сентябрь куни 9та жамоа ўзаро беллашади

Фото: Маданият вазирлиги

Халқаро мақом санъати доирасида ўтказилаётган тадбирлар хорижлик ва ўзбекистонликларни лол қолдирмоқда, деб хабар беради Маданият вазирлиги.

7 сентябрь куни мақом танлови бошланди. Танлов олдидан Ўзбекистон Республикаси маданият вазири Бахтиёр Сайфуллаев Халқаро ҳакамлар ҳайъати билан суҳбатлашди.

Суҳбат давомида энг сара жамоа ва яккахон ижроларини бажо айлайдиган иштирокчилар, қай тартибда ва усулда ижро этишлари муҳокама қилинди.

Танлов дастурига асосан бугун 9 та жамоа ўзаро беллашади, булар: Белгия, Бахрайн, Буюк Британия, Ироқ, Исроил, Миср, Покистон, Туркия ва Тожикистон давлатларидир.