Қўшимча функционаллар
-
Тунги кўриниш
Индонезиядаги фожиа. Boeing ҳалокатга учраган жойдан видео эълон қилинди
Индонезиядаги табиий офатлар билан курашиш бўйича Миллий кенгаш вакили Сутопо Пурво Нугрохо твиттердаги ўз саҳифасида Boeing 737 самолёти қулаган жой тасвирланган видеони эълон қилди.
«Бу Караванг қирғоғига яқин сувларга қулаган Lion Air JT 610 самолётининг излари», - деб ёзади Нугрохо.
Видеоёзув кемалар экипажи томонидан қидирув ишлари жойида тасвирга олинган.
Serpihan pesawat Lion Air JT 610 yang jatuh di perairan Karawang. Beberapa kapal tug boad membantu menangani evakuasi. Video diambil petugas tug boad yang ada di perairan Karawang. pic.twitter.com/4GhKcRYkpG
— Sutopo Purwo Nugroho (@Sutopo_PN) October 29, 2018
Аввалроқ, авиакомпания ҳалокатга учраган самолёт парвоз учун яроқли бўлганини маълум қилганди.
Эслатиб ўтамиз, Lion Air авиакомпаниясининг Boeing 737 йўловчи самолёти Жакарта аэропортидан парвоз қилгач ҳалокатга учради. Самолёт парвозга чиққанидан кейин тахминан ўн дақиқа ўтиб радарлардан йўқолиб қолган.
Жакартадан Индонезиянинг Банка оролидаги Панкалпинанг шаҳрига JT-610 рейсини амалга ошираётган Boeing 737 самолёти маҳаллий вақт билан соат 6:20да (Тошкент вақти билан 4:20) парвоз қилган ва соат 6:33да йўқолган.
Индонезияда ҳалокатга учраган самолёт бортида 188 киши бўлган. Бу ҳақда маҳаллий ОАВ хабар бермоқда.
Индонезиядаги Boeing ҳалокати
