Qoʻshimcha funksionallar
-
Tungi ko‘rinish
Indoneziyadagi fojia. Boeing halokatga uchragan joydan video e'lon qilindi
Indoneziyadagi tabiiy ofatlar bilan kurashish bo‘yicha Milliy kengash vakili Sutopo Purvo Nugroxo tvitterdagi o‘z sahifasida Boeing 737 samolyoti qulagan joy tasvirlangan videoni e'lon qildi.
«Bu Karavang qirg‘og‘iga yaqin suvlarga qulagan Lion Air JT 610 samolyotining izlari», - deb yozadi Nugroxo.
Videoyozuv kemalar ekipaji tomonidan qidiruv ishlari joyida tasvirga olingan.
Serpihan pesawat Lion Air JT 610 yang jatuh di perairan Karawang. Beberapa kapal tug boad membantu menangani evakuasi. Video diambil petugas tug boad yang ada di perairan Karawang. pic.twitter.com/4GhKcRYkpG
— Sutopo Purwo Nugroho (@Sutopo_PN) October 29, 2018
Avvalroq, aviakompaniya halokatga uchragan samolyot parvoz uchun yaroqli bo‘lganini ma'lum qilgandi.
Eslatib o‘tamiz, Lion Air aviakompaniyasining Boeing 737 yo‘lovchi samolyoti Jakarta aeroportidan parvoz qilgach halokatga uchradi. Samolyot parvozga chiqqanidan keyin taxminan o‘n daqiqa o‘tib radarlardan yo‘qolib qolgan.
Jakartadan Indoneziyaning Banka orolidagi Pankalpinang shahriga JT-610 reysini amalga oshirayotgan Boeing 737 samolyoti mahalliy vaqt bilan soat 6:20da (Toshkent vaqti bilan 4:20) parvoz qilgan va soat 6:33da yo‘qolgan.
Indoneziyada halokatga uchragan samolyot bortida 188 kishi bo‘lgan. Bu haqda mahalliy OAV xabar bermoqda.
Indoneziyadagi Boeing halokati
