Boeing ҳалокати. Индонезияда қурбон бўлганлардан ўн нафарининг жасади топилди

Индонезия қирғоқлари яқинидаги қидирув-қутқарув амалиётлари вақтида Boeing 737 MAX самолёти ҳалокати оқибатида қурбон бўлганлардан ўн нафарининг жасади топилди. Бу ҳақда The Straits Times ёзмоқда.

Нашр маълумотларига кўра, Сингапур транспорт хавфсизлигини текшириш бўйича бюроси мутахассислари Жакартага етиб келишган.

Аниқлик киритилишича, улар ҳам қурбонлар жасад қолдиқларини сув ости локатори ёрдамида қидириб топиш ишларида иштирок этиш ниятида.

Аввалроқ, Индонезия ҳукумати икки йил олдин Lion Air авиакомпаниясига талаб қўйгани ҳақида хабар берилганди.

Lion Air авиакомпаниясининг Boeing 737 йўловчи самолёти Жакарта аэропортидан парвоз қилгач ҳалокатга учради. Самолёт парвозга чиққанидан кейин тахминан ўн дақиқа ўтиб радарлардан йўқолиб қолган. Жакартадан Индонезиянинг Банка оролидаги Панкалпинанг шаҳрига JT-610 рейсини амалга ошираётган Boeing 737 самолёти маҳаллий вақт билан соат 6:20да (Тошкент вақти билан 4:20) парвоз қилган ва соат 6:33да йўқолган. Индонезияда ҳалокатга учраган самолёт бортида 188 киши бўлган.