Швейцарияда сукунатга бағишланган кўргазма очилди

Швейцариянинг Бернидаги коммуникациялар музейида “сукунат”га бағишланган кўргазма очилди. Кўргазма 2019 йил 17 июлигача давом этади, деб хабар берди Euromag.

Берн музейи маълум муддатга барча нарсадан чалғиб, ўзини тўлиқ сукунат билан қамраб олишни таклиф қилмоқда.

Кўргазма ташкилотчилари ғоясига кўра, тўлиқ сукунат икки хил қарама-қарши туйғуни келтириб чиқаради: у ҳам ўзига тортади, ҳам ваҳимага солади. Шу сабабли кўргазма бу мавзуга чуқурроқ кириб, шовқин, осойишталик ва сукунат ўртасидаги мувозанатга ойдинлик киритишни таклиф қилмоқда.