Shveytsariyada sukunatga bag‘ishlangan ko‘rgazma ochildi

Shveytsariyaning Bernidagi kommunikatsiyalar muzeyida “sukunat”ga bag‘ishlangan ko‘rgazma ochildi. Ko‘rgazma 2019 yil 17 iyuligacha davom etadi, deb xabar berdi Euromag.

Bern muzeyi ma'lum muddatga barcha narsadan chalg‘ib, o‘zini to‘liq sukunat bilan qamrab olishni taklif qilmoqda.

Ko‘rgazma tashkilotchilari g‘oyasiga ko‘ra, to‘liq sukunat ikki xil qarama-qarshi tuyg‘uni keltirib chiqaradi: u ham o‘ziga tortadi, ham vahimaga soladi. Shu sababli ko‘rgazma bu mavzuga chuqurroq kirib, shovqin, osoyishtalik va sukunat o‘rtasidagi muvozanatga oydinlik kiritishni taklif qilmoqda.