Англия Кубоги 1/8 финалига қуръа ташланди: «МЮ» энди «Челси»га тўқнаш келади

138-маротаба ўтказилаётган Англия Кубогининг 5-босқичи учун қуръа ташланди.

Қуръа натижасига кўра, олдинги босқичда «Арсенал»ни мусобақадан чиқариб юборган «Манчестер Юнайтед» нимчорак финалда «Челси»га қарши баҳс олиб борадиган бўлди. Ушбу икки жамоа мусобақанинг сўнгги финалида ўзаро рўбарў келган ва унда лондонликларнинг қўли баланд келганди.

Мусобақанинг яна бир фаворити «Манчестер Сити» бу босқичда қуйи лига жамоасига тўқнаш келади. «Шаҳарликлар»нинг рақиби ё Чемпионшипдан «Мидлсбро», ёки тўртинчи лига вакили «Ньюпорт» клуби бўлади.

Нимчорак финал баҳслари 15-18 февраль кунлари бўлиб ўтади. Ушбу босқичнинг яна 4 иштирокчилари 5 февралда маълум бўлади, «Брентфорд»-«Барнет» ўйини санаси ҳали белгиланмаган.

Англия Кубоги, 1/8 финал
Бристоль Сити – Шрусбери/Вулверҳэмптон
АФК Уимблдон – Миллуолл
Донкастер –  Кристал Пэлас
Мидлсбро/Ньюпорт – Манчестер Сити
Челси – Манчестер Юнайтед
Суонси – Барнет/Брентфорд
Портсмут/Куинз Парк Рейнджерс – Уотфорд
Брайтон/Вест Бромвич – Дерби Каунти