Филиппинда дунёдаги энг қиммат курорт очилди
Филиппинда дунёдаги энг қиммат курорт очилди. Бу ҳақда Daily Mail нашри хабар берди.
Banwa Private Island деб номланувчи ушбу курорт Палаван архипелагидаги бутун бошли оролни эгаллаган. Меҳмонлар у ерга Маниладан ҳаво орқали етиб борадилар: 9 ўриндиқли гидросамолётдаги парвоз нархи 990 долларни, 5 ўриндиқли вертолётда эса 11,6 минг долларни ташкил қилади.
Курорт 6 та вилладан ташкил топган бўлиб, уларда бир кун яшаш нархи 100 минг долларгача етади. Улардан ҳар бирида океан билан туташган алоҳида сув ҳавзаси мавжуд.
Меҳмонлар курортда сув ости сузиши ва йога билан шуғулланишлари, спа ва ресторанларга ташриф буюришлари, сув мотоциклларида ва катамаранларда учишлари, теннис, гольф ўйнашлари мумкин. Оролда денгиз тошбақалари ва бошқа денгиз жонзотларини учратиш мумкин, улар ҳақида меҳмонларга курорт мутахассиси сўзлаб бериши мумкин.
Меҳмонхонадаги таомлар оролда етиштирилган мева ва сабзавотлардан ҳамда ўша ерда тутилган денгиз жонзотларидан тайёрланади.
Таъкидланишича, виллаларни 3 кундан кам муддатга буюртириб бўлмайди.
Мавзуга оид
12:18 / 05.09.2024
Филиппинда астероид қулаб тушди (видео)
20:14 / 31.08.2024
Хитой ва Филиппин кемалари баҳсли ҳудудда бир-бири билан тўқнашиб кетди
22:05 / 21.08.2024
Хитой фойдасига жосусликда айбланган Филиппин собиқ мэри мамлакатдан қочиб кетди
08:25 / 19.08.2024