«Интер» Ромелу Лукаку трансферини эълон қилди

«Манчестер Юнайтед» ҳужумчиси Ромелу Лукаку «Интер»га ўтди.

Миланликлар футболчининг шартномаси шартларини эълон қилишмади.

Аввалроқ, «Интер» Лукаку учун 75 миллион фунт беришга рози экани ҳақида хабарлар тарқалган эди.

Лукаку 2017 йилдан бери «Манчестер Юнайтед» шарафини ҳимоя қилиб келаётган эди. Аввалроқ у «Андерлехт», «Челси», «Вест Бромвич» ва «Эвертон» клубларида ҳам ўйнаган.

Ўтган мавсумда 26 ёшли футболчи «МЮ» таркибида барча мусобақаларда 45та ўйинда майдонга тушиб, 15та гол урган ва 4та голга ҳаммуаллифлик қилган.