Токио Олимпиадаси бошқа вақтга кўчирилиши масаласи кўрилмоқда

Токио Олимпиадаси ташкилий қўмитаси коронавирус эпидемияси сабабли Ўйинларни ўтказишнинг муқобил вариантларини ишлаб чиқмоқда.

Фото: EPA-EFE/KIMIMASA MAYAMA

Бу ҳақда Reuters ахборот агентлиги хабар берди. Маълум қилинишича, Олимпиадани бир ойга, 45 кунга, бир ёки икки йилга кўчириш вариантлари кўриб чиқилмоқда. Режага кўра, Олимпиада 24 июлда бошланиши керак.

Шунингдек, Олимпиадани томошабинларсиз ўтказиш варианти ҳам қаралмоқда. Таъкидланишича, Ўйинларнинг кўчирилиш борасида қарор қабул қилишда Япониянинг бу масаладаги позицияси муҳим омил ҳисобланади.

Аввалроқ бир неча миллий Олимпия қўмиталари коронавирус эпидемияси сабабли Олимпиада ўтказилиши муддатларини кўчиришни қўллаб-қувватлаганди.

Тайёрлаган Шуҳрат Раҳимов

#Олимпиада #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.