Tokio Olimpiadasi boshqa vaqtga ko‘chirilishi masalasi ko‘rilmoqda 

Bu haqda Reuters axborot agentligi xabar berdi. Ma'lum qilinishicha, Olimpiadani bir oyga, 45 kunga, bir yoki ikki yilga ko‘chirish variantlari ko‘rib chiqilmoqda. Rejaga ko‘ra, Olimpiada 24 iyulda boshlanishi kerak.
        
Shuningdek, Olimpiadani tomoshabinlarsiz o‘tkazish varianti ham qaralmoqda. Ta'kidlanishicha, O‘yinlarning ko‘chirilish borasida qaror qabul qilishda Yaponiyaning bu masaladagi pozitsiyasi muhim omil hisoblanadi.

Avvalroq bir necha milliy Olimpiya qo‘mitalari koronavirus epidemiyasi sababli Olimpiada o‘tkazilishi muddatlarini ko‘chirishni qo‘llab-quvvatlagandi.