Хитойда коронавируснинг иккинчи тўлқини пайдо бўлиши мумкинлиги тахмин қилинди

Шанхайлик мутахассис касалликни тўлиқ енгиб бўлмаслигини, совуқ тушиши билан вазият яна ёмонлашиши мумкинлигини тахмин қилди.

Фото: Lintao Zhang / Getty Images

Коронавирус инфекцияси тарқалишининг иккинчи тўлқини ноябрда юз беради. Шанхайдаги зотилжамни даволаш бўйича экспертлар гуруҳи раҳбари Чжан Вэньхун ана шундай фикр билдирди, деб хабар берди Sina нашри.

Мутахассис ўз фикрини COVID-19 паст ҳароратга мослашгани, шу боис қишда тезроқ тарқалиши эҳтимоли мавжудлиги билан изоҳлади.

Шу билан бирга, Чжан Вэньхун кейинги тўлқин ҳозиргичалик бўлмаслигига ишонч билдирди. Унинг сўзларига кўра, асосий муаммо Африка ва Жанубий Америка соғлиқни сақлаш тизимида пайдо бўлиши мумкин.

Март охирларида у People’s Daily нашрига берган интервьюсида коронавируснинг глобал миқёсда тарқалиши июнга яқин тўхташини тахмин қилганди.

Тайёрлаган Дилшод Аскаров

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.