Қирғизистонда ички авиарейслар тикланади

Мамлакат ичидаги рейслар 25 мартдан тўхтатилганди.

Фото: Nikolay Ustinov

Қирғизистонда коронавирус пандемияси сабабли тўхтатиб қўйилган ички авиарейслар 8 июндан тикланади. Бу ҳақда мамлакат бош вазирининг биринчи ўринбосари Кубатбек Боронов маълум қилди.

"Қирғизистонда 8 июндан мунтазам ички авиарейслар тикланади. Бишкек-Ўш авиақатнови бир кунда бир марта амалга оширилади", - деди у.

Мамлакат ичидаги рейслар 25 мартдан тўхтатилганди.

Бороновнинг сўзларига кўра, рейслар санитар-эпидемиологик меъёрларга қатъий риоя қилган ҳолда амалга оширилади.

"Эпидемиологик вазиятдан келиб чиқиб ўзгартиришлар киритилиши мумкин", - деб қўшиб қўйди у.

Қирғизистонда 1662 кишида коронавирус аниқланган, 16 киши вафот этган.

Тайёрлаган Дилшод Аскаров

#Қирғизистон #авиарейс

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.