Нетаняху БАА ва Баҳрайнга ташриф буюради

Исроил бош вазири Бинямин Нетаняху келаси ҳафтада Бирлашган Араб Амирликлари (БАА) ва Баҳрайнга ташриф буюради. Бу ҳақда Israel Hayom газетаси хабар берди.

Фото: Anadolu Agency

Нашрнинг ёзишича, Исроил бош вазири биринчи марта Абу-Даби ва Манамага очиқ тарздаги ташрифини амалга оширади.

Таъкидланишича, Нетаняху «тарихий» деб таърифлаган ушбу ташрифлар доирасида БАА валиаҳд шаҳзодаси Муҳаммад бин Зайд ва Баҳрайн қироли Ҳамид бин Исо ал-Халифа билан учрашади.

“Ушбу ташриф Исроил парламентининг ташқи ва хавфсизлик қўмитаси раиси Зви Ҳаусер ва БАА парламентининг мудофаа, ички ишлар ва ташқи ишлар қўмитаси раиси Али Рашид ан-Нуайми ўртасидаги учрашувда тасдиқланди”, – дейилади Исроил ҳукумати хабарида.

15 сентябр куни Оқ уйда бўлиб ўтган маросимда Исроил ва Баҳрайн муносабатларни яхшилаш тўғрисидаги битимни имзолаган эди.

#БАА #Баҳрайн #Бинямин Нетаняҳу

Kun.uz янгиликларини Google News'да кузатинг

+ Обуна бўлиш