«Спартак»да имконият берилмаса, «Рубин»га ўтиш керак». Вадим Абрамов Остон Ўруновнинг ўйин амалиётисиз қолаётгани ҳақида

«Ўруновнинг «Рубин»га ўтиши мумкинлиги ҳақида ўқидим. Ўзбекистон миллий жамоаси бош мураббийи сифатида Остоннинг ўйин амалиётига эга бўлишини истайман. «Спартак»да ўйнайдими ёки «Рубин»да – фарқи йўқ, мен учун энг асосийси унинг спорт формасида бўлишидир. Албатта, у Москва клуби сафида ўйнаб кета олса зўр бўларди. Аммо бу клубда мураббий уни асосий таркибда кўрмаётган ва имконият бермаса, яхшиси, унга ўйнашга имконият берадиган «Рубин»га ўтиши керак.

Остоннинг нега ўйин амалиётига эга бўлмаётгани ҳақида гапириш қийин. Чунки Ўрунов жароҳати сабабли кўп вақтни тикланиш учун сарфлади. Шу боис уни майдон марказида рақобатни бой бераётгани ҳақидаги фикрга қўшилмайман. У миллий жамоага ҳам жароҳати билан етиб келгани сабабли Тошкентдан Москвага қайтишига рухсат бергандик. 

Ўрунов «Спартак»да қолса, ўйин амалиётига эга бўлиши аниқ. Ўшанда у ўзини яна кўрсатиш имкониятига эга бўлади. Қишки танаффус яқинлашмоқда. Йиғинларда ҳамма нарса бўлиши мумкин. У машғулотларда ўзини яхшироқ кўрсата бошласа, асосий таркибга қайтиши мумкин», - дейди Вадим Карленович «Всёпроспорт.ру» сайтига.

Аввалроқ, «Рубин» Остон Ўрунов трансфери учун 2 миллион евро таклиф қилаётгани ҳақида хабар берилганди.