Сан-Маринонинг бутун аҳолиси "Спутник V" вакцинаси билан эмланади

Сан-Марино Россия вакцинасининг биринчи партиясини феврал охирида олганди.

Фото: AP

Сан-Маринонинг барча фуқаролари коронавирусга қарши "Спутник V" вакцинаси билан эмланади. Бу ҳақда тўғридан тўғри Россия инвестициялар фондига таяниб Евроньюс хабар берди.

Шундай қилиб, аҳолиси 34 мингга яқин бўлган бу митти давлат коронавирусдан тўлиқ ҳимояланган биринчи мамлакатга айланади.

Сан-Марино Россия вакцинасининг биринчи партиясини феврал охирида олганди. Мамлакатда бошқа вакциналар ҳам кўриб чиқилди, аммо охир-оқибат Хитой ва Ҳиндистон вакциналаридан воз кечишга қарор қилинди.

Ҳозирда "Спутник V" дунёнинг 59 мамлакатида фойдаланиш учун маъқулланган.