Португалияда украиналикнинг ўлимидан сўнг давлат органи тугатилиб, янги орган ташкил этилди

Фото: theportugalnews.com

Португалияда хорижликлар ва чегара ишлари хизмати (SEF) тугатилди. Бунга Украина фуқароси Игор Хоменюкнинг ўлими билан боғлиқ ҳолат сабаб бўлди, деб ёзади РИА Новости.

SEF 14 апрелдан бошлаб тугатилди, унинг ўрнига хорижликлар ва бошпана бериш бўйича хизмат ташкил этилди.

Игор Хоменюк ўтган йил мартида Лиссабон аэропортидаги тергов изоляторида вафот этган. У визаси бўлмагани сабабли аэропортда ушланган ва изоляторга жойлаштирилган.

Терговнинг фикрича, Хоменюкнинг ўлимига SEF’нинг уч нафар ходими уни дўппослаши сабаб бўлган.

Ўтган йил декабрида SEF бошлиғи Криштина Гатоэс истеъфога чиққанди.

Кейинроқ Хоменюк оиласи Португалия ҳукуматидан компенсация олиши маълум қилинди.