Бағдоддаги ковид госпиталидаги ёнғин оқибатида ҳалок бўлганлар сони 80дан ошди

Associated Press агентлиги маълумотига кўра, ёнғин 25 апрелга ўтар кечаси коронавирус беморлари учун интенсив даволаш бўлимида юзага келган. Унга кислород баллонлари сақланадиган омбордаги носозлик туфайли содир бўлган портлаш сабаб бўлган. Баъзи беморлар ёнғиндан қочиш учун деразалардан сакраган. Икки қаватли бино деярли тўлиқ ёниб кетган.

Манба маълумотига кўра, қурбонларнинг бир қисмининг ўлимига сунъий нафас олдириш аппаратларидан узиб қўйиш сабаб бўлган.

The fire caused many of the oxygen tanks designated to support the #COVID19 patients in the hospital to explode. #Baghdad so far dozens of victims have been reported. pic.twitter.com/OAC8Jt3jq3

— Steven Nabil (@thestevennabil) April 24, 2021

Ироқ Соғлиқни сақлаш вазирлиги ҳалок бўлганлар ва жабрланганлар сонини расман эълон қилмади, фақат касалхонадан 200га яқин киши қутқарилгани қайд этилган.

«Бу каби масалаларда бепарволик жиноятдир, унга йўл қўйганлар жавобгарликка тортилиши керак», деган Ироқ бош вазири Мустафр ал-Козимий.

Унинг қарорига кўра, ушбу шифохона жойлашган ар-Русафа тумани соғлиқни сақлаш бошқармаси бош директори ҳамда шифохона раҳбарияти ишдан олинган.

Big disaster, 55 corona patients dead in fire caught Abn Al khateeb hospital in #Baghdad, the fire broke up after oxygen cylinder has exploded. pic.twitter.com/IK1L0KgZUH

— Ammar karim (@ammar_afp) April 24, 2021

Ёнғиндан кейин баъзи сиёсатчилар, жамоат арбоблари ва парламент аъзолари Ироқ соғлиқни сақлаш вазири Ҳасан ал-Тамимийнинг истеъфосини талаб қилди.

Мамлакатда уч кунлик мотам эълон қилинди.

Ироқда мураккаб эпидемиологик вазият сақланиб қолмоқда, Covid-19га қарши вакцинация эса эндигина бошланган.

Мамлакат соғлиқни сақлаш вазирлиги маълумотига кўра, коронавирус пандемияси даврида 1 миллиондан ортиқ ироқлик касалланган ва 15 мингдан ортиқ киши касаллик қурбони бўлган.