Йил охирига бориб нефть нархи 90 долларга етади – Goldman Sachs

Йил охирига бориб бир баррел нефть нархи 90 долларга етади, деб ҳисобламоқда Goldman Sachs таҳлилчилари.

Reuters агентлигининг ёзишича, нефть нархининг кўтарилишига сабаб унга бўлган талабнинг тез тикланишидир.

Шу билан бирга, 2022 йилнинг иккинчи ва учинчи чоракларида бир баррел нефть нархи 80 долларгача бўлиши тахмин қилинмоқа.

Ҳозирда ICE Futures биржасида ноябр ойи учун Brent русумидаги нефтнинг бир баррели нархи 79,58 долларни ташкил этмоқда. Бу бир кун илгариги нархга нисбатан 1,49 долларга кўпроқ.

Нью-Йорк товар биржасида ноябр ойи учун WTI русумидаги нефтнинг бир баррели нархи 1,47 долларга қимматлаб, 75,45 долларга етди.