Тошкентда айрим кўчаларда транспорт ҳаракати вақтинча чекланади

Тошкент шаҳрида триатлон бўйича халқаро мусобақа ўтказилади. Бу ҳақда пойтахт ИИББ хабар бермоқда.

Шу муносабат билан йўлларнинг бир қисми транспорт ҳаракати учун 9 октябр куни соат 06:00 дан 18:00 гача ва 10 октябр куни соат 06:00 дан 15:00 га қадар ёпилади.

Ушбу кўчалар:

• КҲАЙ ва Кўргазма кўчалари кесишмасидан — Ч. Айтматов кўчасигача;
• КҲАЙ ва Ш.Рашидов кўчалари кесишмасидан - Осиё ва Ч. Айтматов кўчалари кесишмасигача.

Тирбандликларнинг олдини олиш учун ҳайдовчиларга айланма йўллардан фойдаланиш тавсия этилган.