Тошкентда халқаро кинофестивал ўтказилиши муносабати билан 3 та кўча ёпилади

14 сентябрь куни пойтахтда "Ипак йўли дурдонаси" XIV Тошкент халқаро кинофестивали ўтказилиши муносабати билан бир неча кўчалар ёпилади.

Тошкент шаҳар ҳокимлиги хабарига кўра, улар қуйидагилар:

Чилонзор кўчаси – Новза ва Катта Чилонзор кўчалари оралиғида соат 10:00 дан 17:00 гача қисман ёпилади;
Алишер Навоий шоҳкўчаси – Лабзак ва Абай кўчалари оралиғида соат 17:00 дан 20:00 гача қисман ёпилади;
Пахтакор кўчаси – Навоий шоҳкўчаси ва “Пахтакор” стадиони оралиғида соат 14:00 дан 23:00 гача тўлиқ ёпилади.

Ҳайдовчиларга айланма йўллардан фойдаланиш тавсия қилинган.