Россия Макийивкада яна 26 аскар ҳалок бўлганини тан олди

Россия Федерацияси Мудофаа вазирлиги Украина томонининг Донецк вилоятидаги Макийивкага ракета ҳужуми натижасида яна 26 нафар россиялик ҳарбий ҳалок бўлганини тан олди.

Фото: РИА Новости

«Темир-бетон конструкциялар вайроналарини тозалаб чиқиш чоғида ҳалок бўлган сафдошларимиз сони 89 нафарга етди. Ҳалок бўлганлар орасида полк командири ўринбосари подполковник Бачурин ҳам бор», - дейилади вазирликнинг Telegram-каналида.

Аввалроқ Мудофаа вазирлиги 63 нафар ҳарбий ҳалок бўлганини тасдиқлаган эди. Шу билан бирга, Украина томони 400 га яқин киши ҳалок бўлгани ва 300 га яқин киши яраланганини даъво қилган.

«Вақтинчалик жойлаштириш пунктига (Макийивка аҳоли пункти яқинида) кучли портловчи каллакли тўртта ракета билан зарба берилгани натижасида 63 нафар россиялик ҳарбий ҳалок бўлди. Ҳалок бўлган ҳарбий хизматчиларнинг яқинларига барча зарур ёрдам кўрсатилади», - дейилган Россия вазирлиги матбуот хизмати хабарида.