Австрия президенти Ўзбекистон билан ҳамкорликни ривожлантиришга тайёр эканини тасдиқлади

Ўзбекистон элчиси Абат Файзуллаев Австрия Федерал президенти Александр Ван дер Беллен таклифига биноан, Австрия раҳбарининг мамлакатда аккредитациядан ўтган дипломатия корпуси билан учрашувида иштирок этди, деб хабар бермоқда «Дунё».

Фото: Dunyo

Тадбир доирасида Австрия президенти билан кечган мулоқот чоғида икки томонлама сиёсий ва савдо-иқтисодий алоқаларни ривожлантириш, шунингдек, муҳим тадбирларни ташкил этиш масалалари муҳокама қилинди.

Австрия президенти сўнгги йилларда Ўзбекистон тўғрисида фақат ижобий хабарлар қабул қилаётганини ва мамлакатнинг янги очиқлик сиёсатини қўллаб-қувватлашини билдирди.