Садир Жапаров «Тентак Макс» услубидаги автомобилда сайр қилди

Қирғизистон президенти машҳур фильм қаҳрамонлари автомобилларига ўхшаш техникани синаб кўрди.

Фото: Қирғизистон президенти матбуот хизмати

1 июль куни Қирғизистон президенти Садир Жапаров MadWay Rally халқаро лойиҳаси вакиллари билан учрашди. Пойга 24 июндан 1 июлгача Қирғизистонда ўтказилди.

Президент маъмурияти Жапаровнинг апокалипсисдан кейинги давр ҳақидаги Mad Max: Fury Road («Тентак Макс: шиддатли йўл») машҳур фильмидан илҳомланган ҳолда ясалган машиналардан бирини бошқараётгани акс этган видеони эълон қилди.

«Тентак Макс: шиддатли йўл» фильми австралиялик режиссёр Жорж Миллер томонидан суратга олинган ва 2015 йилда экранларга чиққан. У жуда кўп халқаро совринларга муносиб кўрилган, жумладан 6 та «Оскар»га сазовор бўлган.