Ўзбекистон киберхавфсизлик йўналишида Хитой билан ҳамкорлик қилишни режалаштирмоқда
Хитойнинг киберхавфсизлик соҳасига ихтисослашган йирик Meiya Pico компанияси мутахассиcлари Ўзбекистонга таклиф этилди.
Хитойнинг киберхавфсизлик соҳасига ихтисослашган йирик Meiya Pico компанияси бош директорининг халқаро маркетинг бўйича ўринбосари Ли Йияо ҳамда халқаро бозорлар бўйича директори Чжен Жие билан музокаралар ўтказилди.
Мамлакатнинг Гуанчжоу шаҳридаги Бош консуллигидан маълум қилинишича, учрашувда компания фаолияти ва мамлакат билан киберхавфсизлик йўналишида ўзаро ҳамкорлик муносабатларини йўлга қўйиш масалалари кўриб чиқилди.
Интернетда киберхавфсизлик, маълумотлар базаси билан ишлаш ва соҳа мутахассислари малакасини ошириш йўналишларида мазкур компания билан аниқ келишувларга эришиш мақсадида Meiya Pico мутахассиcлари Ўзбекистонга таклиф этилди.
Бугунги кунда ҳуқуқни муҳофаза қилиш идоралари ва давлат ташкилотлари учун ечимлар ва хизматларни тақдим этаётган Meiya Pico Малайзия, Жанубий Корея, Ҳиндистон, Италия, Индонезия, Камбожа, Таиланд, Сингапур ва Франциядаги мижозлари билан ишлаб келмоқда.
Мавзуга оид
21:07 / 20.09.2024
Осиёда НАТОнинг ўхшаши ташкил этилиши мумкин
22:28 / 19.09.2024
АҚШ Ҳарбий-денгиз кучлари Хитой билан урушга тайёргарлик режасини эълон қилди
21:34 / 16.09.2024
Tencent интернет гиганти асосчиси Хитойнинг энг бадавлат инсонига айланди
00:18 / 15.09.2024