Ўзбекистоннинг Истанбулдаги бош консулхонасига раҳбар тайинланди
41 ёшли Шерзод Абдуназаров бу лавозимда иш бошлайди.
Шерзод Абдуназаров Ўзбекистоннинг Истанбулдаги бош консулхонаси раҳбари этиб тайинланди.
У 41 ёшда бўлиб, Жаҳон иқтисодиёти ва дипломатия университети ҳамда Таҳлил ва прогнозлаш олий мактабини тамомлаган. 2007 йилдан буён Ташқи иқтисодий алоқалар, инвестициялар ва савдо вазирлиги ва Ташқи ишлар вазирлиги тизимида турли лавозимларда ишлаб келган. Тайинловга қадар ушбу бош консулхонада биринчи котиб лавозимида ишлаган.
Истанбулдаги бош консулхонага 2020–2023 йилларда раҳбарлик қилиб келган Амирсаид Агзамхўжаев 2023 йил ноябрида Ўзбекистоннинг Полшадаги элчиси этиб тайинланган эди.
Маълумот учун, Ўзбекистоннинг мазкур бош консулхонаси Туркиянинг Истанбул шаҳри, Ойдин, Баликесир, Билежик, Бурса, Измир, Кожаели ва бошқа вилоятлари, шунингдек, Болгария ва Руминия ҳудудига хизмат кўрсатади.
Мавзуга оид
18:18 / 08.10.2024
Туркияда танасига олтин яшириб ўтмоқчи бўлган ўзбекистонлик аёллар ушланди
13:34 / 07.10.2024
Туркияда Ислом Каримов ҳақида китоб нашр қилинди
07:40 / 04.10.2024
Туркияда қаровсиз қолган ўзбекистонлик болалар қайтарилди
13:30 / 02.10.2024