Кучли таъсир қилувчи дори воситаларини сотаётган дорихона аниқланди
Бош прокуратура ҳузуридаги департаментнинг Қўқон шаҳар бўлими томонидан тезкор тадбир ўтказилди, деб хабар бермоқда ССВ ҳузуридаги Фармацевтика маҳсулотлари хавфсизлиги маркази.
Унда, «Х.Ф.» МЧЖ дорихонаси бошқарувчиси Х.И. 100 дона капсуладаги «Габапентин» номли кучли таъсир қилувчи дори воситасини фуқаро М.Х. га 600 минг сўмга сотганлиги аниқланган.
Ушбу дорихонада ўтказиш мақсадида сақланиб келинган 50 дона «Габапентин» ҳамда таркибида психотроп моддаси мавжуд бўлган 790 дона дори воситаси ашёвий далиллар сифатида олинган.
Мазкур ҳолат юзасидан Фармацевтика маҳсулотлари хавфсизлиги маркази хулосасига кўра, Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Мавзуга оид
16:40 / 04.10.2024
Қўқонда Ўзбекистон-Венгрия ҳудудлараро форуми ташкил этилади
14:00 / 04.10.2024
Тўрт ҳудудда кучли дори воситалари савдоси фош этилди
13:30 / 17.09.2024
Урганчда 2,9 млрд сўмлик ноқонуний дори воситалари аниқланди
23:02 / 13.09.2024