Малайзия Ўзбекистон вазирлик ва идоралари ходимларини қайта тайёрлашда иштирок этиши мумкин
Куала-Лумпур шаҳрида Ўзбекистон ва Малайзия ўртасидаги халқаро ташкилотлар доирасидаги ҳамкорликни жадаллаштириш истиқболлари муҳокама қилинди.
Ўзбекистон элчиси Каромиддин Гадоев Малайзия Ташқи ишлар вазирлиги бош котибининг кўп томонлама ҳамкорлик бўйича ўринбосари Бала Чандран Тарман билан учрашув ўтказди.
"Дунё" хабарига кўра, суҳбат давомида Ўзбекистон ва Малайзия ўртасидаги халқаро ташкилотлар доирасидаги ҳамкорликнинг бугунги ҳолати ва уни кенгайтириш истиқболлари муҳокама қилинди.
Мулоқот чоғида Малайзия техник ҳамкорлик дастури доирасида Ўзбекистон вазирлик ва идоралари вакилларини қайта тайёрлаш ҳамда малакасини ошириш истиқболлари хусусида фикр алмашилди.
Учрашув якунида Куала-Лумпур шаҳрида режалаштирилган иқтисодий дипломатия, давлат бошқаруви, коррупцияга қарши кураш, ислом молияси ва банк иши, ҳалол саноати, ҳудудий иқтисодий ривожланиш, АКТ, таълим, киберхавфсизлик, туризмни бошқариш каби ўқув курсларида Ўзбекистон вакилларининг иштирокини таъминлаш тўғрисида келиб олинди.
Мавзуга оид
15:20 / 04.10.2024
Ўзбекистон ва Малайзия олий таълим муассасалари иштирокида консорциум ташкил этилади
07:50 / 20.09.2024
Малайзия Ўзбекистонда дронлардан фойдаланиш кўламини кенгайтиради
11:41 / 13.09.2024
Яна учта вазирликнинг 100 дан ортиқ бошқарув ходимлари тадбиркорлик қилиши маълум бўлди
15:06 / 09.09.2024