Қўшимча функционаллар
-
Тунги кўриниш
Рақобат қўмитаси Фарғона вилояти ҳокимидан Қувасойдаги кейтеринг корхонасига оид қарорини бекор қилишни талаб қилди
Қувасойдаги боғчаларга кейтеринг хизматини кўрсатиш ҳуқуқи тендерсиз битта таъминотчига бериб юборилгани қонунга зид деб топилди. Рақобат қўмитаси вилоят ҳокимлигига бу ҳақдаги қарорни бекор қилиш бўйича кўрсатма берди.
Хайрулла Бозоров Қувасойдаги кейтеринг корхонасида / Фото: Вилоят ҳокимлиги
Рақобат қўмитаси Фарғона вилояти Қувасой шаҳридаги боғчаларга кейтеринг хизматини кўрсатиш тендерсиз битта корхонага бериб юборилишини ноқонуний деб топди.
Kun.uz аввалроқ хабар берганидек, Қувасой шаҳрида боғча болаларини кейтеринг тизими асосида овқатлантириш бўйича республикадаги биринчи корхона иш бошлаган бўлиб, вилоят ҳокими Хайрулла Бозоров қарори билан бу корхонага боғчалар тендер ўтказмасдан бириктириб берилган.
Ваҳоланки, тегишли тартибга асосан, давлат боғчаларида аутсорсинг усулида овқатлантириш Мактабгача ва мактаб таълим вазирлиги томонидан ўтказиладиган танлов натижаларига кўра ташкил этилиши керак.
Рақобат қўмитаси хабарига кўра, бу ҳолатда “Рақобат тўғрисида”ги қонуннинг 22-моддаси бузилган. Шунга асосан, рақобат муҳитини таъминлаш учун Фарғона вилояти ҳокими қарорини бекор қилиш ва талабларни қайта кўриб чиқиш юзасидан кўрсатма хати юборилган.
Эслатиб ўтамиз, аввалроқ ушбу кейтеринг лойиҳасининг дастлабки ташаббускори ва турк инвестори Kun.uz'га берган интервюларида Қувасой шаҳри ҳокимини лойиҳани ўзиники қилиб олишга уринаётганликда айблаганди. Инвесторлар ва шаҳар ҳокими ўртасида келишмовчилик келиб чиққач, лойиҳа муассиси ўзгарган.
Мавзуга оид
13:34 / 21.11.2024
БФҚ истеъмол қилиш натижасида одамлар соғлиги янада ёмонлашган – Рақобат қўмитаси
11:05 / 21.11.2024
Қиммат сотилган дорилар туфайли истеъмолчиларга 7 млрд сўм қайтарилди
16:06 / 08.11.2024
“Биологик фаол қўшимчалар рекламаларида 328 та қонунга зид ҳолат аниқланди” – Рақобатқўм
13:41 / 02.11.2024