Истанбулга аммаси таклифи билан бориб, кўчада қолиб кетган 21 ёшли қиз Ўзбекистонга қайтарилди

У Истанбулга ўз аммасининг таклифи асосида ишлашга келиб, қийин вазиятда қолган.

Ўзбекистонлик 21 ёшли қиз аммаси таклифига кўра Истанбулга бориб, кўчада қолиб кетгани маълум бўлди. Бу ҳақда мамлакатнинг Истанбул шаҳридаги Бош консулхонаси хабар берди.

У Истанбулга ўз аммасининг таклифи асосида ишлашга келиб, қийин вазиятда қолган. У 2 кун кўчада яшаш жойсиз юрган, Жиззах вилоятидан келган 21 ёшли фуқаронинг (аёл киши) ватанга қайтиши таъминланган.

“Халқаро ўзбек саноатчилари, тадбиркорлар ва илм инсонлари жамияти” аъзолари ҳомийлигида авиачипта ва бошқа тўловлари қопланди. Ёрдам берган барчага қиз ва консулхона номидан ташаккур билдирилди.