Қўшимча функционаллар
-
Тунги кўриниш
Малайзиядаги қадимий қўлёзмаларнинг нусхалари Ўзбекистонга келтирилади
Малайзияда Ислом цивилизацияси маркази директори Фирдавс Абдухолиқовга Ўзбекистон маданий меросига оид тарихий қўлёзмаларнинг факсимиле нусхалари топширилди.
Хусусан, Абу Райҳон Берунийнинг "Ат-Тафҳим" ва Абулқосим Фирдавсийнинг Темурийлар даврида кўчирилган "Шоҳнома" асарлари топширилди. Ислом тафаккури ва цивилизацияси институтида ташкил этилган тадбирда Ўзбекистон элчиси Каромиддин Гадоев ҳам иштирок этди.
Қўлёзмалар Ислом цивилизацияси марказининг тарихий экспозициясида намойиш этилиши кутилмоқда.
Қайд этилишича, ўтган йилнинг декабр ойида Малайзиядаги Халқаро Ислом тафаккури ва цивилизацияси институти ҳузуридаги Ислом цивилизацияси кутубхонасидан Ўзбекистоннинг маданий меросига оид тарихий қўлёзмалар топилгани ҳақида хабар берилган эди.
Абу Райҳон Беруний (973–1048) асарлари ва илмий кашфиётлари дунё илм-фани ривожига катта ҳисса қўшган. Унинг 1197 йилда кўчирилган "Ат-Тафҳим" асари жаҳон илм-фанида муҳим манба сифатида эътироф этилган. Абулқосим Фирдавсийнинг "Шоҳнома"си эса XV асрда Темурийлар даври китобат санъати анъаналари асосида кўчирилган. Асарда Камолиддин Бекзод миниатюра мактабига хос унсурлар аниқланган.
Мавзуга оид
14:50 / 13.05.2025
Тошкент вилоятида Малайзия вакиллари учун махсус саноат зонаси ташкил этиляпти
08:40 / 13.05.2025
Халқаро фуқаро авиацияси ташкилоти MH17 ҳалокати учун Россияни жавобгар деб топди
12:42 / 01.05.2025
Малайзия Ўзбекистонда эксплуатациядан чиққан вагонларни таъмирлайди
08:35 / 14.04.2025