Қўшимча функционаллар
-
Тунги кўриниш
Абдуқодир Ҳусанов Шавкат Мирзиёевга «Манчестер Сити» формасини совға қилди
Абдуқодир Ҳусанов 21 март куни «Янги Ўзбекистон» боғида ўтган Наврўз тантанасида иштирок этиб, тадбирдан кейин президент билан учрашди.
Ўзбекистон миллий жамоаси ҳамда «Манчестер Сити» ҳимоячиси Абдуқодир Ҳусанов Наврўз тадбирларида қатнашди. Бу ҳақда Ўзбекистон футбол ассоциацияси хабар берди.
Ўзбекистон миллий жамоаси ҳамда «Манчестер Сити» ҳимоячиси Абдуқодир Ҳусанов 21 март куни «Янги Ўзбекистон» боғида ўтган Наврўз тантанасида иштирок этиб, тадбирдан кейин президент Шавкат Мирзиёевга имзоси туширилган «Манчестер Сити»даги либосини совға қилди.
Эълон қилинган суратдан кўриш мумкинки давлат раҳбари билан учрашувда Абдуқодирга отаси Ҳикмат Ҳошимов ҳамроҳлик қилган.
Ҳусанов куни 20 март куни Қирғизистонга қарши ўйинда иштирок этганди. У 25 март куни Ўзбекистон миллий жамоаси билан Эронга қарши баҳсда майдонга тушиши кутилмоқда.
Эслатиб ўтамиз, Шавкат Мирзиёев январ охирларида Бирлашган Араб Амирликларига қилган сафари чоғида «Манчестер Сити» клуби эгалари саналмиш Абу Даби валиаҳд шаҳзодаси Шайх Холид ибн Муҳаммад Ол Наҳаён билан учрашган эди. Ўшанда Ўзбекистон президенти Абу Даби валиаҳд шаҳзодаси Шайх Холид ибн Муҳаммад Ол Наҳаён билан учрашувда Абдуқодир Ҳусановнинг «Манчестер Сити» клубига ўтиши ҳақида ҳам суҳбатлашгани маълум бўлганди.
Мавзуга оид
18:53 / 18.03.2025
Ҳусановнинг трансфер нархи 35 миллион еврога етди. Бу – Марказий Осиё учун янги рекорд
16:18 / 17.03.2025
Автоголлар, 70 йил кутилган кубок ва «Барса»нинг суперкамбэки – Евротурнинг энг муҳим 8 воқеаси
15:52 / 17.03.2025
Абдуқодир Ҳусановнинг агенти унга Gelendwagen совға қилди
10:50 / 09.03.2025